Produktu sanitarioak fabrikatzeko, enpresek arau zorrotzak bete behar dituzte; oro har, konpainiek 2017/745 Erregelamendua (EB) bete behar dute, eta, horren arabera, kalitatea kudeatzeko sistema zorrotz bat abiatu behar dute, produktuaren bizi-ziklo osoari aplikatzeko (diseinuan, fabrikazioan, merkaturatzean...).
Testuinguru horretan, Tekniker euskal zentro teknologikoak, enpresek horrelako produktuak garatzeko orduan egin behar duten ahaleginaz jakitun, ISO 13485:2016 ziurtapena lortu du berriki, konpainiei osasunaren industriarako I+G+b arloko proiektuak diseinatzen eta garatzen laguntzeko.
“ISO 13485 arauak kalitate-kudeaketarako sistema sendo, fidagarri eta nazioartean aitortua abiarazten laguntzen die enpresei, eta bide horretan gidatzen ditu”, azaldu du zentroak.