Turismo, Merkataritza eta Kontsumoko sailburu Javier Hurtadok, Zumarragako alkate Mikel Serranorekin eta Europako Funtsen zuzendari Gabriel Gutiérrezekin batera, “Zumarraga, eredu komertzial digital eta jasangarria” proiektuaren berrikuntza aurkeztu dute. Egitasmoaren helburua da tokiko merkataritza indartzea eta herritarren bizi-kalitatea hobetzea. Next Generation Funtsen laguntza izan du, eta administrazioen arteko lankidetzaren adibide bihurtu da, udalerrien garapena eta modernizazioa bultzatzeko.