Soraluzek ongietorria egin dio bere energia-komunitatea propioari. Gipuzkoako Foru Aldundiaren Jasangarritasun Departamentuaren laguntzarekin -225.000 euro inbertitu dituzte-, oraintsu hasi da funtzionamenduan TEK Soraluze, datozen 25 urteetan 848 tona CO2-ko murrizketa eragingo duen sistema ezarriz. Autokontsumo kolektiboari esker, udalerriko familiek eta saltokiek %30era arte murriztu ahal izango dute beren energia-faktura, eredu jasangarriagoa eta pertsona guztientzako eskuragarriagoa sustatuz. Energia garbien erabilera sustatzeko sortu da TEK Soraluze, hainbat udal-eraikinetan eguzki-plakak jarriz. Guztira 302 eguzki-panel instalatu dira, 135 kW-ko potentziarekin, eta 905 m²-ko azalera hartzen dute. Sortutako energiak zuzenean mesede egingo die 204 etxeri eta saltoki txikiri.