Mercabilbaok nabarmen indartu du jasangarritasunarekin eta elikadura laguntzarekin duen konpromisoa 2025ean, ekitaldi horretan Bizkaiko Elikagaien Bankuak 645,6 tona elikagai kudeatu
baitzituen esparruaren barruan. Elikagaien Bankuak kudeatu duen urteko guztizkoaren ia laurdena (2.603 t) zuzenean bideratu da Bilboko elikadura-unitatearen instalazioen bidez. Jarduera horri esker, soberakin freskoak zuzeneko laguntza bihurtu dira zaurgarritasun egoeran dauden milaka pertsonarentzat. 1997az geroztik, Mercabilbaok 68 m²-ko azalera lagatzen dio modu egonkorrean Elikagaien Bankuari, produktu freskoak sailkatzeko eta banatzeko, eguneroko operatiba garatzea ahalbidetzen duen espazioa. Azpiegitura hori puntu estrategiko bihurtu da merkatuko operadoreen soberakinak eta dohaintzak bideratzeko.

Handizkako enpresek 346 tona produktu fresko ematen dituzte, barrutian kudeatutako guztiaren %53,6

Handizkako enpresen zeregina erabakigarria izan da. Ekitaldian zehar, 346,04 tona produktu ekarri zituzten, hau da, Mercabilbaon kudeatutako guztiaren %53,6, eta mugarri bikaina da bi erakundeen arteko lankidetza ibilbidean. Hazkunde horrek sektorearen kontzien-tziazio handiagoa eta lankidetza dinamikak sendotzea islatzen du. Parte hartu duten enpresen kopurua urteetan zehar aldatu den arren, 2025ean 25 handizkari laguntzaile erregistratu ziren, pandemiaren aurreko mailak berreskuratuz. 
Lurralde osoan, Elikagaien Bankuak 2.603 t kudeatu zituen 2025ean. Handizkariek aktiboki parte hartu dute ekimen honetan, eraginkortasun logistikoa, konpromiso soziala eta hondakinen murrizketa uztartzen dituen lankidetza sarea sendotuz.