Fisikako Espainiako Errege Elkartearen (RSEF) XXXIX. bi urtez behingo bilera UPV/EHUren Gipuzkoako Ingeniaritza Eskolan ospatu zen uztailaren 15etik 19ra. Ekitaldiaren helburua zen ikerketaren, transferentzia teknologikoaren, dibulgazio zientifikoaren eta fisikaren irakaskuntzaren alorretan egin diren aurrerapenen inguruan hitz egitea. Fisikaren alorreko nazioarteko 500 aditu elkartu ziren bi urtean behingo bilera honetan, UPV/EHUren eta RSEFren baterako ahaleginari esker eta Gipuzkoako Foru Aldundiaren, Donostiako Udalaren, Donostia International Physics Center-en (DIPC), Materialen Fisika zentroaren eta Multiverse enpresaren laguntzari esker, besteak beste.