Bizkarrezur-muinean lesioa duten pazienteen funtzio motorrak berreskuratzeko CIC biomaGUNEk garatutako proiektu bat bultzatuko du La Caixa Fundazioak. Maurizio Prato CIC biomaGUNEko Ikerbasque ikerketa-irakaslea eta AXA katedraduna da proiektuaren gidaria, grafenoaren eta karbonozko nanohodien arloko munduko adituetan adituenetako bat, eta soluzio berritzaile bat proposatzen du orno-muineko lesioa duten pazienteen funtzio motorrak berreskuratzeko. CIC biomaGUNE Karbonaren Bionanoteknologia taldeko ikerketa-lantaldearen helburua da karbonozko nanohodien inplante txikien potentzialari buruzko ebidentzia berriak lortzea, lesioaren tokian birkonexio elektrikoa sustatzeko eta, hala, galdutako funtzioak berreskuratzeko.