Bioman urteko kanpaina zientifikoaren emaitzen arabera, an-txoa helduaren behin-behineko biomasa 143.000 tonakoa da Bizkaiko golkoan. Zifrek espeziearen iraunkortasuna bermatzen dute, antxoaren arrantzaren iraunkortasuna bermatzeko muga ezartzen duten 21.000 tonen oso gainetik kokatuz. Azti zentro teknologikoak maiatzean Nekazaritza, Arran-tza eta Elikadura Ministerioko Arrantza Idazkaritza Nagusiko Emma Bardan eta Vizconde de Eza ontzi ozeanografikoetan jasotako laginak aztertu ondoren aurkeztu ditu emaitza horiek. Bioman 2023 kanpainaren biomasaren zenbatespena batez besteko historikoaren (75,000t) oso gainetik dago, eta erreklutamendu handia erakusten du (urtebeteko aleen %81) seriearen ehuneko historikoekin alderatuta. 
“Antxoa bizitza laburreko espezie bat da (3 urte inguru), eta erreklutamenduaren (urtebeteko aleak) egoeraren araberakoa da neurri handi batean. Horregatik, urtebeteko aleen kopurua hain altua izatea, bere egoera ona baieztatzen du” esan du María Santosek, Aztiko arrantza-kudeaketa iraunkorrean adituak.  Hala ere, ikertzaileak ohartarazi duenez, “2024ko erreklutamendua aurreikusi ahal izateko, Juvena kanpainaren emaitzen zain egon behar dugu”.  
Kanpaina horretan kalkulatzen da aurtengo maiatzean jaio diren gizabanakoen zein zati iristen den gazteengana 2023ko udazkenean. Hori ingurumeneko eta ekosistemako hainbat faktoreren mende dago, hala nola tenperatura, elikagaien eskuragarritasuna edo harrapariak. “Behin betiko zifra urte amaieran lortuko da kanpaina honetatik lortutako datuekin eta Juvena ekimenekin (Azti ere buru dela), Pelgas ekimenarekin (Ifremer institutu frantziarrak koordinatuta) eta arrantza-flotaren harrapaketekin”.